كيف استعمل برنامج الهاماتشي

من طرف **ثائر** الجمعة يونيو 20, 2008 5:28 am

بسم الله الرحمن
الرحيم
اخوانى
واخواتى اعضاء منتدى الفيفا العربى
الكرام

انا عامل الموضوع
مخصوص علشان الناس ال نفسها تشارك معانا فى دورات المنتدى يارب تقدروا تستفادوا من
شرحى
اول حاجة طبعا الدورة لما بتتنظم بينشا غرف للعب فيها وبيبقى ليها ياسورد
وادارة المنتدى بتبعت للاعب اسم غرفة مجموعته والباس وورد ال هيخش بيه وطبعا كلنا
بنلعب على شبكة البرنامج الشهير hmachi وهنا هتلاقى احدث اصدار ليه أضغط هنا للتحميل بعد ماتنزل البرنامج هتسطبه وانت بتسطبه
هتقوم بالمراحل الأتية:

الخطوة الأولى للسيت اب

كيف استعمل برنامج الهاماتشي 1

اضغط
بقى next علشان تتنقل للخطوة التانية هتعلم علامة صح زى مانا موضح فى الصورة
بالظبط
كيف استعمل برنامج الهاماتشي 2

الخطوة التانية بقى ال جاية دى تعمل next
ومتغيرش حاجة يعنى متعلمش على حاجة زى الصورة بالظبط

الخطوة الرابعة زى ال فاتت برضه متعلمش
على حاجة اعمل next بس
كيف استعمل برنامج الهاماتشي 4

الخطوة الخامسة بقى هتلاقى زرار مكتوب install
اضغط عليه واستنى شوية ممكن يغيب حسب سرعة الجهاز بس متقلقش هيكمل بس اصبر
عليه

لما هتضغط install وتستنى عليه هتلاقى كلام
بيتكتب قدامك اصبر لحد مايخلص وتطلعلك زرار next زى الصورة بالظبط اضغط بقى على
next

كده ياباشا اخر حاجة هتطلعلك زرار finish اضغط
عليه وكده البرنامج اتسطب اضغط finis زى الصورة كده

نيجى بقى لأهم الخطوات وهى تشغيل البرنامج وازاى
هنقدر نلعب بيه ياريت بقى نركز مع بعض
شوية

اول حاجة هتلاقى ايكونة زى ال فى الصورة
ال جاية دى ظهرت تحت عندك جنب الساعة كده فى ال task bar يعنى هتعمل عليها double
click
كيف استعمل برنامج الهاماتشي 8

هتطلعلك الرسالة ال جاية دى اضغط no وسيبك
منها
كيف استعمل برنامج الهاماتشي 9

ال هيفتح قدامك بقى ده شكل البرنامج
وارقم ال فوق ده هو رقم ال أى بى الخاص بك على البرنامج
كيف استعمل برنامج الهاماتشي 10

كده لو لاحظت فوق تحت الرقم مكتوب كلمة offline
ده معناه ان البرنامج شغال بس انت مش اون لاين على شبكة ال hmachi طيب نعمل ايه
هنضغط على الزرار الأحمر ال امامنا على الشمال ده ال هو زرار الباور وهيطلع يطلب
منك اسمك حط لنفسك اى اسم هيظهر زى مانتوا شايفين كده تحت رقم الأى بى بتاعك كده
معناه ان انت اون لاين على الشبكة دلوقتى

طيب بس انت كده لوحدك ومش هينفع تلاعب حد ليه
لنك مش فى غرفة فا انت طبعا لازم تدخل غرفة من الغرف بتاعة البطولة ال انت بتلعب
فيها الغرفة دى زى مانا قلت قبل كده لها يوسر وباس وورد هيتبعتولك من ادارة المنتدى
لما تطلب انك تلعب فى البطولة طيب هناخد بقى اليوسر والباس وتخليهم معاك وتيجى بعد
الخطوات الفاتت دى تلاقى فى البرنامج من تحت على اليمين زرارين هتضغط على ال السهم
مشاور عليه فى الصورة ده وتختار الأختيار التانى من ال هيطلعلك لما تضغط على الزرار
زى ماهو واضح فى الصورة

لما هتضغط الأختيار التانى ال هو join existing
network هيخرج لك البروسر ده ال مطلوب تحط فيه اسم الروم فى الخانة الأولى واسم
الباسورد فى الخانة التانية طبعا اليوسر والباس هيبقوا معاك لما الأدارة تبعتهم لك
فى الرسائل الخاصة ولما تكتبهم اضغط الزرار ال موجود قدامك ده
join

كده بقى ياجماعة خلاص دخلنا الروم هتلاقى
اللاعبين ال معاك ظهرين قدامك هتلاقى منهم اسمه باللون الصفر ومنهم ال تحس كده ان
لون مطفى ال باللون الأصفر ده معناه انه اون لاين ال مطفى معناه انه اوف لاين
وهتلاقى كل اسم جنبه رقم الرقم ده هو الأى بى بتاعه هو زى الصورة
بالظبط

كده خلاص ياجماعة دخلنا الغرفة عايزين بقى نعرف
هلعب ازاى ده بقى فى الخطوات ال جاية دى بس افتح اللعبة ويلا بينا

اول حاجة افتح اللعبة وروح زى مانت شايف فى
الصورة كده على game modes وخش جواها